小編2026年新改良版本 #24週以下胎兒 #棺木 （#紙盒） 今年好想推廣 #胎兒殯儀 亦都想喺呢個範疇再做多啲幫 #小天使 除咗之前招募摺紙星星同紙鶴嘅義工之外 小編一直都喺度諗仲有啲乜嘢可以再做得好 其實小編由細到大都冇乜特別長處或者興趣 但係對於家居佈置方面 小編對自己都有啲信心 就諗不如喺小天使盒仔佈置方面可以再努力啲 俾小天使一張好cozy嘅床仔 所以就入手左一啲靚靚嘅布 喱士 同花邊 同埋再有義工車咗啲靚靚枕頭仔俾我哋 希望小天使 有尊嚴地 去第二個國度 繼續做一個開心嘅Baby

好多人都認為 #小天使 出咗嚟之後 都會俾成人更加快 可以接走遺體同做儀式 其實事實啱啱相反 係因為小天使出咗嚟之後 醫院有機會需要做好多病理研究 有時仲需要有解剖嘅程序 所以好多時候都起碼要一至到兩個月先可以接走小天使 喺呢一段等待嘅時間 有父母會選擇做宗教儀式俾小天使 除咗以往我哋介紹過嘅 #道教打齋 儀式 今次個案就選擇咗 #佛教儀式 請 #法師誦經 希望讓小baby離苦得樂

做 #殯儀 呢個行業 都幾有趣 成日都會去到一啲從來冇諗過會去嘅地方 今日小編就去咗 #沙頭角 再轉船 去一個叫 #三椏村 嘅地方 為 #小天使安灰 小編覺得自己同喃嘸師傅呢個拍檔 係有少少運仔 每一次到戶外工作 好多時候都會落雨 而前幾日 客人都好擔心今日會落大雨 因為我哋要再搭船仔到三椏村嘅關係 客人都好擔心 如果太大雨嘅話 可能開唔到船 小編就一路希望客人嘅 #祖先保佑 千祈唔好落雨 好好彩 由小編喺屋企出發 去到粉嶺 再去到沙頭角 再入到三椏村 都只係陰天 去到墓地位置 仲出晒太陽添 雖然好快之後又想落雨 但係我哋最後都能夠順利完成 小天使嘅安灰儀式 完成工作 小編就即刻出返市區了 雖然未有時間行吓沙頭角 不過到此一遊 都已經心滿意足

小編訂咗嘅BB用品終於到咗貨了 今次訂咗好多 #紗巾仔 紗巾包被 仲有兩塊好靚嘅布 睇吓可唔可以車到啲枕頭仔俾小天使 仲訂咗啲俾小天使嘅 #BB紙紮用品 因為係小編親自訂貨 所以來價 都會比平時喺紅磡買嘅平 另外今次小編訂咗一啲 #摺紙星星 嘅紙條 同埋 #摺紙鶴 嘅花紙 今日小編想啟動一個 #義工活動 以往做小天使個案 有時父母都會摺一啲星星同紙鶴陪伴小天使 但係小編都明白 父母心情可能不太好 加上未有咁多時間 所以好多時候喺佈置紙盒方面都有心無力 小編就諗到 如果大家都有心 想為小天使送上一份溫暖同愛 除咗可以購買我哋晴善舍嘅手作用品之外 亦都可以用空閒嘅時間摺下星星或者紙鶴 將呢份心意直接送俾小天使 可以用小編提供的花紙或者紙條 或者可以自行購買材料 如果有興趣參加呢個義工活動 就請PM小編喇

農曆新年前突然間有人聯絡小編 話佢本身擅長車縫 希望可以幫到 #小天使 一開始收到呢個訊息嘅時候 小編當然好感激呢位 #義工 但係第一時間 小編未諗到點樣可以同呢位義工合作 跟住突然間諗起 每逢 #24週以上小天使 #嬰兒棺木 裡面嘅 #枕頭 永遠都比小編歧視 嗰個枕頭 又大又厚 根本就唔啱太細嘅小baby用 次次都係掉咗佢 所以小編就請義工 可否車一啲枕頭仔俾小天使 今日可以有個好靚嘅小枕頭俾小Baby喇 好感恩 好感動 終於可以喺小天使服務裡面再做得圓滿一點 感激呢位義工嘅付出與幫忙

小 天 使 計 畫 今朝小編去咗照腸胃鏡 係要麻醉嘅 本身諗住做完之後都應該會訓一段時間 點知喺半夢半醒嘅時候 突然間諗起今日好想出一個post 小編就醒晒了 今日想同大家分享 今年晴善舍第二個project 「小天使計劃」 #小天使 #失胎殯儀 喺香港唔算係一個好大嘅需求 而老實講 亦都唔係咁多殯儀行家想做呢一類嘅個案 喺上個禮拜 My Coffee Break podcast節目裡面 小編講咗好多 點解個案數目仍然偏少 當然原因有好多 其中原因可能唔同家庭成員都有意見 覺得小Baby都走咗 咁就由醫院處理吧 或者可能坊間有一啲公司 對於小天使個案 費用都近似成人嘅個案 所以好多家庭亦寧願俾醫院處理 喺節目裡面小編都有提到 點解小編將服務價錢一減再減 由近乎成本 再將嬰兒棺木的價錢由晴善舍捐出 就係因為希望更多父母 唔使因為價錢嘅問題 可以陪埋小Baby最後一程 為咗可以幫到更多父母 小編今年再有新服務比到小天使 凡係 #24週以下胎兒 如果想安排安葬的話 可以選擇土葬及火葬 但係小編之前都提過 24週以下嘅胎兒的棺木係一個 #紙盒

連續兩日於同一間醫院完成了兩位小天使的個案 分別係39週 大約32週 第一個個案係來自一個外國嘅家庭 媽媽十分傷心 相信因為小天使已經是39週 父母原本計劃只是兩人簡單悼念小天使 冇諗過最後來自世界各地的親友都來到香港 當日大約有50位親友來到醫院的告別禮堂 陪伴父母 送別小天使 而昨天的個案 同樣有親友來到醫院 相信係爺爺嫲嫲同公公婆婆 雖然要告別小天使 係好不捨 但係相對呢個家庭每位成員嘅心情係比較輕鬆 感覺係想話俾小天使知 雖然大家都好唔捨得你 但係都希望你可以放心去到另外一個國度 繼續做一個開心嘅Baby 喺做過咁多個小天使嘅個案裡面 大部份都只有父母出席喪禮 原因大概係唔想麻煩到親友 或者唔想令到長輩更加傷心 甚至唔係每一位都想睇到小天使嘅遺體 呢個小編當然明白 所以當小編見到有個案 係有親友嚟到送別小天使 小編會好安慰 因為可以話到俾小天使知 其實你並不孤單 屋企人係好唔捨得你 同埋永遠都係愛你既 喺呢兩日 小編最深刻嘅就係第一個個案 爸爸喺火葬場講嘅第一句說話 “ I didn’t have a chance to play wit

今日到食環署陪客人申請文件 職員認得小編 問小編是否經常處理胎兒個案 跟住職員就同小編講 有關新永愛園的資料 食環署又有多一個選擇比小天使 就係位於石門嘅永愛園 由9月26日開始啟用 石門的永愛園依舊有300個位置 而特別之處 亦都係食環署職員所提醒小編 佢哋今次嘅石碑...

曾經有一位行家同小編提過 當做24週以下小天使個案嘅時候 有啲父母買嘅紙盒 有埋啲包裝絲帶蝴蝶 個感覺好奇怪 明明係小天使既喪禮 就用個禮物盒裝住 覺得唔係咁好… 今日小編用咗成日時間在工作室做大掃除 搵到呢個紙盒 呢個紙盒係好早期 小編做24週以下個案嘅時候買嘅...

冇睇錯 ～ 今日小編要介紹公仔衫仔 呢個公仔叫Mell Chan 咪露 記住佢唔係姓陳嘅 「Chan」 係日文 ちゃん既意思 即係 大約係小咪露咁解 大家都知道我哋做好多小天使個案 通常父母都想買啲衫仔俾小天使 但係小天使實在太細了 （尤其是24週以下）...

尋日去咗華人永遠墳場的寧馨園 安排一位小天使落葬 亦都安排咗南嘸師傅為小天使做簡單既道教儀式 而今朝亦都完成了另外一位小天使的個案 是安排在葵涌永愛堂做火葬儀式 喺接呢兩個胎兒個案嘅過程 唔知點解比以往嘅個案複雜 唔清楚係辦理文件件嘅程序改咗 定係唔同職員嘅安排手法不同...

嚟緊兩日都有24週以下小天使個案 不過兩位小天使安葬在不同嘅地方 所以所需嘅盒子都不一樣 無論個盒係大定細 係長定闊 小編能夠做到既 就係好好咁鋪好張床仔 俾小天使一個窩心既被窩 #24週以下胎兒 #胎兒殯儀服務 #寧馨園 #永愛堂

好多客人上到嚟晴善舍工作室 都會問小編 點解有咁多紙盒喺公司？ 其實呢啲都係棺木嚟㗎 凡係24週以下嘅胎兒 無論土葬或者火葬 都係要預備紙盒放着小天使 但係由於 食環署土葬嘅永愛園 火葬嘅永愛堂 華人永遠墳場嘅寧馨園 佢哋紙盒size嘅要求都唔同 所以基本上晴善舍工作室...

前兩日見到有個post 係關於做「行家最驚嘅case」 呢邊睇完 今日小編就有BB個案了 其實係咪行家最驚？ 初初入行嘅時候 事實上有同事同小編講過 做BB好邪 但係小編就咁睇嘅 其實以前係冇咁多配套可以做BB嘅case 尤其是24週以下...

年初六 啟市 2025年第一個個案是小天使 乙巳年第一個個案亦都係小天使 今日嘅個案除咗爸爸媽媽同公公婆婆 連哥哥都有來陪妹妹走最後一程 佢哋摺咗好多星星同紙鶴 同埋買咗好多公仔 送俾妹妹 希望妹妹去到另外一個世界 能夠幸福快樂

小編做左殯儀10年 成日都講有一間醫院係好怕去到的 就係兒童醫院 因為逝者必定會是兒童… 尋日小編就去左兒童醫院完成一個院出個案 呢個個案係舊客人 如果大家有印象 在上年年中小編完成左其中一個三胞胎個案 三胞胎都係早產 細細佬不幸離開左 當時其實二細佬情況都不太樂觀...

今日晴善舍完成了第一個小天使捐棺個案 願小天使安息

今個月晴善舍接了兩個小天使個案 第一個個案，係三胞胎之中嘅細細佬。呢三胞胎係早產，出世時只有大約24週。不幸地細細佬出世咗兩日就過身。媽媽WhatsApp小編嘅時候，佢話另外仲有個BB因為身體有狀況，所以要留在兒童醫院。小編一知道呢個家庭嘅狀況，其實當時都好擔心媽媽嘅心理同...

小編都有喺呢度講過，某日突然間連續接到兩個電話都係關於孖胎殯儀服務… 上個月已完成了一個24週以上既個案。而另外一個24週以下的，都在最近完成了。父母選擇咗喺永愛堂火葬… 這個個案的媽媽好有心思，在紙盒外畫咗好靚嘅卡通人物，而紙盒內亦都佈置得好靚...

尋日晴善舍完成咗一對BB的個案。 小編估計孖胎的個案真係唔係好常有，因為就算當日醫院出嘅文件都有少少錯誤… 原因係醫院都話佢哋未做過 呢一對BB已經三十幾週，尋日小編見到嘅時候，真係好似兩位小天使瞓得好冧咁，好可愛的。...