20250522 24週以下小天使

前兩日見到有個post

係關於做「行家最驚嘅case」

呢邊睇完 今日小編就有BB個案了

其實係咪行家最驚？

初初入行嘅時候 事實上有同事同小編講過

做BB好邪

但係小編就咁睇嘅

其實以前係冇咁多配套可以做BB嘅case

尤其是24週以下

因為以前政府係冇提供24週以下胎兒殯葬嘅配套

但係近呢10年 先後有

永愛園土葬 永愛堂火葬 華永寧馨園

好多離開咗世界嘅胎兒先可以得到一個有尊嚴嘅喪禮

所以近年先有「胎兒殯儀」服務

Anyway～ 對於晴善舍嚟講

咁耐以來，大家都應該好少喺呢個專頁度

見到有「好邪呀」「有鬼呀」 呢啲字眼

甚至乎之前有啲講鬼故嘅網台

邀請小編做訪問小編都會reject

因為小編覺得做殯儀既

係唔需要同啲古靈精怪嘅話題扯上關係

幫小朋友做殯儀 更加唔係古靈精怪嘅

每次喺醫院接小朋友 幫小朋友包好被仔

無論係幾多週 佢哋個個都係瞓咗覺嘅小Baby

個個都好可愛 每個小Baby都值得尊重

呢個就係晴善舍主力做胎兒殯儀嘅原因

由第一個案開始 就係以貼近成本價收費

希望可以幫到更多嘅家庭 更多嘅小天使

P.S.大家唔使擔心

唔係間間醫院做BB case都有藥水味嘅

應該都係得一間嘅啫