2026年1月14日 小編日常

因為小編女兒學校嘅緣故

由上年開始小編喜歡咗種植

所以而家成個工作室都係盆栽

睇住一棵小植物嘅長大 其實真係好開心既

話說小編上年喺學校整咗一個吊蘭苔球

種咗兩三個月之後佢竟然開花

仲要開咗起碼十幾朵

當時已經係超開心

除咗開花之外 仲生咗三個仔仔

但係隨着時間嘅流逝

嗰條分支已經開始乾

以免影響到嗰三個小仔仔都冇晒養分

小編就剪咗條分支

將嗰三個仔仔分開繼續種

睇吓佢哋會唔會長大

點知用泥養咗之後

竟然長大咗好多 仲要翠綠咗好多

由於小編屋企已經冇位俾佢繼續生長

所以就決定拎返工作室

今日拎走盆仔仔嘅時候

感覺好似仔仔要離開媽媽一樣

要去另一個地方生活

突然間有啲唔捨得嘅感覺

同時小編又領悟到

有時做父母都要學識放手

小朋友先有空間去發揮同成長