2026年2月4日 舞台劇「大反枱日」

內有劇透！！

上星期小編去咗睇舞台劇「大反枱日」

喺入場前 係完全冇睇過套劇係講乜既

喺第一幕嘅時候 知道梁祖堯同林日曦係飾演父子

但係去到第二幕 個背景竟然係骨灰龕位

先知原來呢套劇係講生死 （小編非常surprise）

去到成套劇完咗 出Credit嘅時候

發現呢個原來係林日曦自己嘅故事

小編就更加感動

對於呢個舞台劇嘅評價

係好好睇 舞台設計亦十分出色

整體兩個半鐘頭係有笑有淚

再基於本故事本身係來自於林日曦自己嘅故事

所以情節同對白都好生活化

由媽媽過身嘅事 連接到同父親嘅關係

從劇名「大反枱日」

點都唔會估到原來呢套劇係講生死同親情

呢套劇 確實係一個活生生嘅例子

好多時候我哋要或者將會失去一啲嘢

先懂得去留意同珍惜我哋現在擁有嘅人和事

「珍惜眼前人」永遠都係老掉牙嘅道理

但係人往往都係喺後悔嗰一刻

先真正明白道理嘅意義……