2024年2月20日

尋晚係晴善舍一年一度嘅聚餐

本來一早諗住尋晚會同大家講一啲說話… 不過小編掛住食嘢傾偈同收禮物… 最後完全唔記得咗

2024年係小編入左殯儀呢個行業第10年

小編讀完書返香港之後就做金融，但係喺每個機構最長嗰份都係做左兩年幾… 坐唔定成日轉工都係小編嘅性格 

2013年尾，小編有個決定，本來係唔再留喺香港，去澳門生活… 但係突然又有個機會比小編去一間殯儀公司度工作，仲話可以教小編做遺體化妝～ 咁當然梗係嘍飯應啦 最終小編等咗四個月，呢間公司先俾小編返工（最後係冇學過遺體化妝）。不過點都好，呢個就係一個緣份俾小編入咗殯儀呢個行業…

大半年後，小編俾呢間公司炒咗 人生第一次俾人炒，諗返起都好好笑（之前都係小編炒老細)

兜兜轉轉，喺2016年有機會開一間殯儀社企，最後小編就喺晴善舍做咗大打雜七年….

小編好感謝尋晚嚟食飯嘅每一位，有合作夥伴，行家，徒弟… 佢哋每一位都幫過小編好多好多冇佢哋嘅幫助，老實講，晴善舍唔會捱到今日！

做一個喪禮，永遠唔會淨係靠「行街」一個人，如果其他崗位搞唔掂，「行街」都唔會提供到一個好嘅服務比客人… 所以小編成日都話，「我係好proud of 我嘅團隊！」

小編知道長氣文未必好多人會睇…

咁就等多兩年，等晴善舍10周年先再寫長長長氣文吧