2026年1月19日 晴善舍初心

由今個月去到八月

到晴善舍10歲生日前嘅每一個星期一

都想同大家分享返晴善舍同小編嘅一啲經歷故事

今日就想同大家分享返晴善舍嘅初心

相信大家都知道晴善舍係社企

不過其實係點樣去幫人呢

或者晴善舍本身係一個咩機構

我哋本身係一間慈善機構

所以我哋係可以接受捐款嘅

同時間我哋亦都攞咗殯儀嘅牌照

所以我哋係一間合法嘅殮葬商

喺食環署個list裡面係搵到我哋個名既

咁點解我哋當年係用社企去做定位？

就係因為想用我哋嘅專長去幫呢個社會

用「殯儀」去幫呢個社會

晴善舍嘅理念係 「善心循環 服務再助人」

何謂善心循環呢？

事實上 我哋都係一個殮葬商

但係同其他人唔同嘅地方

就係我哋會將盈利嘅一部份儲起

當遇到有需要幫助嘅家庭

就會將我哋賺到嘅一部份收入

去資助或者免費幫有需要人士做殯儀服務

所以凡係用我哋殯儀服務嘅家庭

都係做緊善事

用逝者最後嘅一份心意

去幫助社會上有需要嘅家庭

呢個就係我哋晴善舍嘅初心

亦都係喺呢將近十年裡面

一直做緊嘅嘢

所以希望往後嘅日子

大家有殯儀需要嘅話 都能夠支持晴善舍

希望可以將「善心循環」嘅理念

延續落去