2025年7月15日 新聞分享

小編一直都冇分享過

關於呢一對演藝界老前輩過身既新聞

因為實在太多感受想分享

都唔知由邊度講起

一知道唐佳先生過身係因為

唔忍心睇住太太病倒而離世

本來約咗去律師樓簽名 都等唔到

就選擇自己先行離開世界

好似馮寶寶女士咁講

係好難接受到佢用呢個方式離開

呢一份情緒到底係有幾複雜幾哀痛

究竟係有幾愛一個人 愛到唔想睇住佢死

而要先離開呢個世界

真係未必每個人都能夠明白

最終幾日之後雪妮女士亦都離開咗

可能呢個對於佢哋兩位嚟講

係最想要嘅安排

不過小編睇過唔同嘅報道

都冇乜提過佢哋嘅兒子

小編反而一路諗呢位兒子嘅感受…

同一時間冇咗父母

鴛鴦蝴蝶命 呢個名係好凄美

但係對於家人嚟講

需要幾耐先可以平復喪親嘅傷痛…