2025年11月6日 殮房收費

相信近呢兩日大家喺社交媒體都知道

明年1月1號起 醫管局殮房會有遺體儲存嘅費用

咁當然係有幾類人士係豁免嘅

例如領取綜援或長者生活津貼人士等

而醫管局其實都有數據

一般統計 平均遺體存放時間為三個禮拜

而依據而家呢個收費表

存放一個月就大約$4000左右

另外一點大家需要注意

通常醫院發出死亡文件起碼兩至三個工作天

如果咁啱係禮拜五過身

通常要等到下個禮拜二三先攞到文件

所以基本上 好多情況之下

家屬都起碼要比100-300蚊

以殮房一向係一個有支出冇收入嘅部門嚟講

收費機制對於醫院就係一個收入嘅來源

或者係一個龐大收入嘅來源

咁對於我哋做殯儀有咩影響呢？

小編認為對於我自己工作嘅影響唔算太過大

（暫時覺得係)

不過 在華人社會 出殯日子通常都希望擇好日子

究竟之後 家屬會唔會因為殮房嘅收費

而寧願唔擇日子 定係堅持等三四個禮拜先出殯

仲要睇埋食環署 火葬爐嘅安排

（要記住 而家葵涌火葬場仍然在裝修中）

咁一切都要等 新收費實施咗之後

大家嘅取向喇～