今早小編去左深水埗處理文件後，就要去荃灣華人永遠墳場處理安灰個案。
去墳場前有時間諗住埋束花比先人。去到花檔，同個嬸嬸講要買花去拜山，佢就話幫小編執。小編一路同佢講要深紫色嘅桔梗，呢個嬸嬸就執咗啲好殘嘅桔梗。跟住小編拎住兩朵黃色嘅花俾呢個嬸嬸，佢就話嗰兩朵花未開，拜山要搵啲開咗嘅花 又執咗兩朵殘嘅黃色花… 最後成束花感覺都好唔新鮮
乜拜山就可以俾啲殘嘅花俾人嘅咩 咁樣除咗對個客好唔尊重亦都對先人好唔尊重
雖然束花只係幾十蚊…小編寧願呢個嬸嬸收多少少錢，可以俾啲靚啲嘅花囉 ！嬲咗！
2022年6月30日