2020年10月27日

上年年尾抽籤抽到曾咀靈灰安置所的客人，大部份在前陣子已經安左灰。今日，最後一位客人都安排安灰了。

訪問時或者講座時，小編常常都會講，我地既責任，並吾單止做「殯儀」或者係喪禮既服務。其實我哋嘅職責係直到先人安葬，先為之完成一個個案。

每一次安灰，小編都好大感觸。見到有啲家庭，抽咗幾次都抽唔到，等咗幾年，終於抽到位。幾年之後再見返佢哋同佢哋辦理安灰事宜，先人終於可以上到位，見到家屬終於放下心頭大石，小編都放下心頭大石，感覺這個個案真正要完結了。

有時見到客人幾年都抽唔到骨灰位，其實小編同樣心急如焚，好希望各先人可以快啲有容身之所，能夠得到真正嘅安息。