Search
  • peacefulhomehk

2020年7月14日

上個星期,我們資助了一個殯儀個案。


先人是一位爸爸。今年3月尾確定係胰臟癌第四期。媽媽年紀大身體唔好已經退咗休好多年,大女有位8歲女兒,女兒丈夫是在大陸工作,每個月只可以給數千元家用。細女做有關接單的美容工作,在而家疫情之下,收入亦不多。他們一家原本生活都係用大女僅存嘅積蓄同爸爸嘅生果金,但係爸爸病後住院覆診已經用咗唔少錢,對於佢地黎講爸爸嘅身後事實在唔係太負擔到。爸爸生前亦因為在金錢上幫助其他親戚,導致到兩老積蓄唔多。但係而家爸爸過左身,嗰D親戚就連電話慰問都冇。


呢個家庭因為冇申請綜援,在家屬聯絡小編之前,佢地問過醫院社工,社會福利署及區議員,都話佢地唔係綜援人士所以政府無資助。


呢個家庭係海豐人。大家可能未必知道,如果用道教儀式,大家常常睇到既「破地獄」,其實係廣東儀式。其實除左廣東齋,比較常見的亦有潮州,福建,海陸豐,水上人,圍村等等。他們的道教儀式同我地一般廣東儀式係唔一樣的。當然儀式既費用都唔同。呢個家庭因為係海豐人,所以媽媽好堅持要海豐儀式。但係如果殯儀館服務加海豐儀式,家屬都問過其他殯儀公司,大致都需要6萬幾蚊。


呢個個案,晴善舍收了這個家庭能負擔到的一個費用,其餘費用由我社支付。完成喪禮後,原本在喪禮前好緊張既媽媽,好感激我們。因為可以見返佢地「自己人」(海豐人),為先人完成道教儀式。其他親友都話我地今次做得好好,令媽媽放下心頭大石。


後記:在整個喪禮上,家屬同師傅都係講海豐話......小編完全聽唔明......






63 views0 comments

Recent Posts

See All