2026年4月3日 入沙頭角

做 #殯儀 呢個行業 都幾有趣

成日都會去到一啲從來冇諗過會去嘅地方

今日小編就去咗 #沙頭角 再轉船

去一個叫 #三椏村 嘅地方 為 #小天使安灰

小編覺得自己同喃嘸師傅呢個拍檔

係有少少運仔

每一次到戶外工作 好多時候都會落雨

而前幾日 客人都好擔心今日會落大雨

因為我哋要再搭船仔到三椏村嘅關係

客人都好擔心 如果太大雨嘅話 可能開唔到船

小編就一路希望客人嘅 #祖先保佑 千祈唔好落雨

好好彩 由小編喺屋企出發 去到粉嶺

再去到沙頭角 再入到三椏村 都只係陰天

去到墓地位置 仲出晒太陽添

雖然好快之後又想落雨

但係我哋最後都能夠順利完成 小天使嘅安灰儀式

完成工作 小編就即刻出返市區了

雖然未有時間行吓沙頭角

不過到此一遊 都已經心滿意足

2026年4月2日 小天使星星紙鶴義工計劃

小編訂咗嘅BB用品終於到咗貨了

今次訂咗好多 #紗巾仔

紗巾包被

仲有兩塊好靚嘅布

睇吓可唔可以車到啲枕頭仔俾小天使

仲訂咗啲俾小天使嘅 #BB紙紮用品

因為係小編親自訂貨

所以來價 都會比平時喺紅磡買嘅平

另外今次小編訂咗一啲 #摺紙星星 嘅紙條

同埋 #摺紙鶴 嘅花紙

今日小編想啟動一個 #義工活動

以往做小天使個案

有時父母都會摺一啲星星同紙鶴陪伴小天使

但係小編都明白 父母心情可能不太好

加上未有咁多時間

所以好多時候喺佈置紙盒方面都有心無力

小編就諗到

如果大家都有心 想為小天使送上一份溫暖同愛

除咗可以購買我哋晴善舍嘅手作用品之外

亦都可以用空閒嘅時間摺下星星或者紙鶴

將呢份心意直接送俾小天使

可以用小編提供的花紙或者紙條

或者可以自行購買材料

如果有興趣參加呢個義工活動

就請PM小編喇

2026年3月30日 石英骨灰盅 介紹

今日想同大家介紹一款

大家應該未見過嘅 #骨灰盅 

首先 講返大家喺香港常見嘅骨灰盅

大約個size都係差唔多嘅

原因係香港地小人多 大家諗吓

在生嘅人都唔夠住

先人仲邊有咁多地方呢…

所以香港嘅骨灰龕位都係越嚟越細

大家有時見到喺國內或者外國

有好多林林總總唔同類型嘅骨灰盅

喺香港都係用唔到嘅

喺香港見到都係一啲Standard size

而物料方面 最一般嘅就係雲石

我哋叫做 #白雲盅 最基本款 價錢亦都係最相宜既

另外就係用玉石做既 我哋叫做 #玉盅

價錢由二三千到萬元以上不等

睇返本身個盅嘅質素

而今日大家喺相裡面見到嘅

就算你哋落到紅磡都應該好少會見到

呢啲盅係由石英石做嘅

石英石嘅硬度本身都好高

而今次呢間公司 就用石英做咗幾款骨灰盅

老闆講過俾小編知

佢哋今次選擇用石英做盅嘅一啲原理

不過小編已經唔記得咗了

小編淨係知道 本身個實物係靚嘅

同埋照嘅時候會見到一啲閃閃發光嘅石英

如果大家對於呢個盅有任何疑問

小編應該係答唔到你哋嘅

因為小編唔係研發呢款盅嘅人

但係如果咁啱有需要購買骨灰盅

而對呢款 #石英骨灰盅 有興趣既話

就可以聯絡小編喇