2025年9月14日 小編分享

小編成日都同大家分享「死亡」

今日就想同大家分享「生命」

其實天地萬物 生命力係好強大

話說小編因為女兒幼稚園活動關係

愛上咗種盆栽（盆景）

由一盤 變咗而家六七盤係工作室

其中一盤盆景 本身係種咗一棵好細嘅草

另外其他位置就擺咗啲苔蘚

苔蘚係乜嘢 唔喺度詳談

不過苔蘚有個好特別嘅地方

就係當你種種下嘅時候

佢出其不意會生其他唔同嘅草仔出嚟

同一塊苔蘚 可能會長出幾種嘅植物

圖中嗰條長得好長嘅 藤（唔知點樣形容）

本身佢只係一條長長哋嘅葉

越嚟越長 長到長過晒個盒

跟住底部已經係乾咗又冇葉

淨係上邊嘅部份有啲葉

加上因為工作室太熱 

小編見到成條嘢都乾晒 都諗住剪走咗佢

點知上個月頂部竟然開咗啲黃色小花

本身一粒 跟住喺嗰一粒裡面就生多咗幾粒花仔

今日返到工作室

側邊竟然再開多一朵小花冧

明明下邊啲根部同啲葉都乾得七七八八

竟然啲花可以開完再開

真係生命力之強大

2025年9月9日 盂蘭法會功德圓滿

一連兩日 盂蘭法會 功德圓滿

過往小編都有客人為過身嘅親人做功德

而今年就多咗好多客人 為自己的冤親債主

同十方無主孤魂做功德 確實係功德無量

另外亦都有小天使嘅父母 為小天使做功德

通常法會會安排一個排位 同一個附薦衣包比先人

而比小天使嘅 我哋師傅仲會買多件衫仔比小天使㗎～

當日小編去上香 師傅比盒紙衫仔小編睇嘅時候

其實小編係好surprise

因為覺得佢哋真係好有心

盒衫仔雖然唔係值好貴嘅價錢

但係師傅佢哋做嘢唔係隨波逐流

而係對住唔同嘅個案 做返貼心相應嘅服務

講真 小編見過好多團隊 唔係好多團隊可以做得好

唔係賣花讚花香

事實上 小編對呢個喃嘸師傅嘅團隊 係好有信心

2025年8月31日 鑽石山紀念花園

以往在鑽石山紀念花園撒灰

紀念碑都會安在思親堂（舊灰樓）嘅位置

但係經過咁多年 思親堂安碑嘅位置已經滿了

今日有客人在鑽石山撒灰

紀念碑已經安排安放在仰念堂了