2025年7月11日 小編工作日常

今日想同大家分享

小編嘅執着

大家都應該知道咩叫吉儀

典故就唔喺度講喇

簡單啲介紹一下 吉儀裡面有紙巾一蚊同一粒糖

喺以前呢通常吉儀 都係家人自己準備

但係因為大家都想提升服務嘅關係

而家好多時候吉儀都會有由我哋殯儀公司準備

中式儀式用吉儀 如果係教會就叫做謝敬

我諗小編入行大約三四年左右

吉儀都係我自己入嘅

但係因為個案越來越多

同埋有時候所需要嘅數目真係好大量

所以其實殯儀區有啲舖頭係有得賣既 

但係買 就有一個缺點 就係保證唔到佢嘅品質

可能你會問 「吉儀都有品質？」

梗係有啦～ 通常我哋買返嚟

都係一個膠袋咁樣載住

大家可以睇吓小編影嘅圖

喺100個裡面 都真係有啲黐到斜曬㗎

或者佢係五六個比啲膠水黐實晒分開唔到

有好多人會覺得

吉儀呢啲野 啲人拎完就即刻搣爛晒㗎啦

俾咗人 人哋都唔覺㗎啦

Sorry～ 真係過唔到小編嗰關～

小編之前教徒弟嘅時候

就係教佢地一定要將啲吉儀好整齊咁執好一包包

如果俾個客見到你用過咁嘅膠袋載住啲吉儀

而裡面嘅嘢好似垃圾咁炒埋一舊

你覺得俾人見到 人哋會覺得你做嘢會做成點

小編成日都見到有啲人

將啲吉儀好似垃圾咁倒晒張枱度

嗯… 其實真係唔係太好睇…

睇到呢度 可能有啲人仍然覺得小編呢個動作多此一舉

反正買嘅時候已經pack好一包包

點解再要重新包裝呢

唉，唔好理小編喇～

小編就係有強迫症 少少亂都唔得㗎