2025年5約20日 劇集分享

大家唔好意思

今日要同大家分享一套

已經做完咗一段時間嘅劇集 就係麻甩媽咪

點解咁遲先分享呢 其實小編一早睇晒

不過五月實在瘋狂地忙

今日先叫做休息一天 所以嗱嗱聲做返個分享

好多人都覺得破。地獄 好有生死教育嘅意義

但係小編睇完麻甩媽咪

都覺得呢一套都可以令觀眾反思下生死/生命

15集未必個個都有時間睇得晒

咁小編就劇透少少啦

故事係講黃德斌同余香凝因為撞車

黃德斌死咗 但係靈魂去咗余香凝度

而余香凝個靈魂就走咗出嚟

佢哋有八個月嘅時間 原來呢八個月係有任務嘅

就係余香凝個身體要生個BB出嚟

咁即係黃德斌要生BB

就咁睇 故事都係有啲鬧劇成份嘅

但係就係呢八個月 黃德斌同余香凝都做咗好多嘢

例如修補返同屋企人嘅關係

令到家人更加堅強 亦令到好多人得到釋懷

如果佢地兩個唔係死咗

好多嘢佢哋就唔會睇得咁清楚

亦都唔會去做

喺呢套劇最後嘅一幕

余香凝講咗一句 「真正嘅me time」

呢一句對小編特別深刻

人一生 有好多責任 亦都唔知人生係長係短

有啲人可以活到90幾歲 有啲人就英年早逝

可能去到死前嗰一刻 都係做緊嘢

點樣可以得到真正嘅me time

余香凝就係靈魂出咗嚟

透過黃德斌去完成佢嘅所有既心願

跟住同黃德斌兩個攤喺草地上面

擁有咗短暫嘅me time之後 無悔地離開世界

小編深信世界上唔會好似呢套戲咁

明明你已經死咗 但係仲有幾個月俾你留喺世上

完成你嘅心願

所以做人呢

要及時行樂？要活在當下？要珍惜眼前人？

仲有好多好多 係咪應該唔好帶住遺憾咁走…

你又會點樣選擇你嘅人生呢？