2025年5月28日 重要資訊

小編今日一定要同大家分享一件好緊要嘅事

隨着樣樣嘢都電腦化電子化

政府有好多嘢都可以上網申請

其中一樣就係死亡證

咁大家可能會覺得好方便

又唔使晨早去排隊

又唔使同人迫

又唔使同人等

上網申請真係至方便喇～

大家千祈唔好咁諗

若果真係有親友離世

當然都係想盡快決定喪禮嘅事宜

其實死亡證 如果係親自去死亡登記處做

係即時申請即時有

當然要排隊要等係好正常

其實大部份嘅殯儀商 包括我哋晴善舍在內

如果你哋係唔介意

可以直接交低先人身份證 同家人嘅身份證副本

授權比小編做都可以

同樣地，你哋一樣都係唔使等

但係千祈唔好以為自己上網申請就快

因為上網申請 起碼三個工作天 先可以去取

有啲行家話可能一個禮拜先攞得

如果係急着做喪禮嘅

就千祈唔好以為好方便 自己上網申請呀

你哋唔想排隊 小編係可以幫你哋排隊㗎

真係語重心長好誠懇地希望幫到大家