2025年5月27日 新聞分享

願小天使安息

究竟BB點樣跌落床？

BB床同大人床中間條罅隙有幾大？

BB床個圍欄去到邊？

係唔係BB自己爬出嚟？

張BB床究竟有幾高？

作為媽媽嘅小編 一路係咁諗呢啲問題…

小編睇到某啲報紙下面嘅留言

有好多都鬧呢個媽媽

大家都唔知道個事實係點

BB過咗身 大家都唔想

當然父母嘅責任會係最大

可能有好多人會問點解BB跌咗落床阿媽都唔知

小編就可以話俾大家聽 有啲人真係瞓咗覺

嗌火燭都唔會醒 小編另一半就係咁嘅人

所以由女兒出生到而家 夜晚瞓覺女兒就算郁一郁

小編都會醒 因為潛意識知道要提高警覺

所以幾年都冇瞓過一個好覺

大家都要明白 作為幼兒嘅父母其實真係會好攰

所以有好多嘢都好矛盾

如果小編一開始問嗰幾條問題

全部嘢都係安全嘅話

如果係小朋友自己爬出嚟嘅話

而媽媽真係攰到一個點既話

咁呢個係一個大家都唔想見到嘅悲劇…

希望同類型嘅事件唔好再發生