2021年6月11日

大家平時係咪好少見到有喺殯儀館或者出席喪禮呢 因為傳統中國人有好多忌諱，所以好多人都會建議孕婦唔好出席喪禮。而小編都冇諗過自己會腹大便便咁喺殯儀館工作。

本來一開始知道自己懷孕既時候都諗住做到見肚就放假，點知之後到6個月，7個月，8個月，個案一個接一個，小編咩都唔理繼續工作 到左今個月初35週，已經plan左做埋昨天的殯儀館個案，因為家屬係小編既朋友。點知身體唔爭氣，前晚凌晨要入院觀察 所以小編出席唔到昨晚既個案。非常感謝晴善舍團隊及各方面喺尋日同今朝既幫忙，令到喪禮順利完成

冇辦法要提早放假待產喇～ 不過大家如果真係需要殯儀服務，係可以繼續聯絡我地架～ 由今日開始，個案就會由徒弟跟進，服務仍然會保持一貫專業水準架