小編好耐好耐冇喺呢個時候可以行吓呢個地方～ 今日下晝好難得可以蛇王一下 呢幾個月真係忙到嘔泡... 真係好攰好攰
但係小編亦都好清楚，喺呢個環境，呢個時勢，仲可以忙到嘔泡嘅，其實係好幸運嘅一群 感恩 晴善舍暫時不被環境嘅影響... 就算喺一個咁艱難嘅環境底下，都仲有客人支持同信任我地，讓我地處理殯儀個案。
同時，我哋亦不會忘記初衷，仍然會繼續幫忙社會上，有需要殯儀服務嘅低收入家庭。
尤其是係呢個環境，如果大家認識到一些低收入家庭未能負擔殯儀服務費用，可以聯絡我哋～ 了解個案後，我哋會資助或者免費為有需要家庭提供殯儀服務～而使用我哋晴善舍殯儀服務嘅一般家庭，我哋仍然會儲起一部份嘅收入，去幫助嗰啲需要幫忙嘅個案！希望大家可以一齊共渡時艱～
Comments