今日想同各位講吓娛樂新聞
最近小編見到Jackeline姐姐呢段訪問，訪問當中其中一個重點，就係Jackeline同袁文傑拍咗拖九年，之前已經打算結婚，但因為男方媽媽過身，所以當時沒有結到婚。之後袁文傑的愛貓身體出現問題，所以婚事也一直延期。不過Jackeline在很多訪問中都說過，她覺得這樣也OK，簡單就是幸福。
當然結不結婚，是兩口子的選擇，旁人實在冇權過問。但是對於小編在殯儀個案的經歷，每次睇到一啲拍咗拖十幾二十年嘅情侶都未結婚，都會擔心起黎......
而家好多情侶會覺得，如果唔生小朋友，其實唔結婚都冇所謂。大家財政獨立，一齊生活舒服就冇問題。
小編就見過好幾個呢啲例子，情侶拍咗拖10年甚至乎20年，雙方大約係四十至六十歲。其中一方突然離世，因為覺得自己唔係太老所以冇準備定平安紙/遺囑。最後因為逝者的家人先係遺產繼承人，所以另一半好多時候任何嘢都攞唔到，甚至係一啲共同嘅回憶；因為嗰啲物件 /房產嘅持有人係逝者，所以一律都要俾返逝者既屋企人。
每次小編睇到呢啲愛情長跑嘅花邊新聞，除咗好羨慕佢哋細水長流嘅愛情之外，其實都好想同大家分享呢一類嘅個案。小編覺得如果真係愛惜枕邊人，除咗珍惜對方之外，係咪可以諗多一步，保障下對方嘅未來呢～
*唔係針對Jackeline 袁文傑兩位 **小編講嘅保障，唔係話一定要結婚。寫定平安紙都可以係一種保障～ ***純粹小編個人感受～ 不喜勿插
Opmerkingen