《告別朋友》- 免費辦理個案
記得大半年前，有位女士（化名：陳小姐）致電比我，問佢朋友沒有親人亦沒有多少積蓄，如果真係去世既話我地晴善舍可否幫忙。經過我詢問之後，其實陳小姐既朋友係未過身的，但係因為當時病情開始惡化，而陳小姐亦答應朋友會處理佢既身後事，所以打來詢問。再了解之下，陳小姐本身其實亦難以負擔殮葬費用。所以我便答應陳小姐我會免費為佢既朋友辦理喪禮。過了一個星期。陳小姐通知我佢朋友的病情好轉，不需要我的服務了。當時我都替陳小姐高興。 到了上個月中的一個早上，突然收到陳小姐的電話，佢喊著同我講佢既朋友”唔得喇”，問我應該點做。我話唔駛擔心，我當日答應會免費幫助呢個個案，就係會幫！ 今日，就係喪禮既日子。見到佢自己一個人送別好朋友而哭成淚人，我都好心痛。我唯一可以做既就係全程喺佢身邊陪住佢。希望佢唔好感覺到孤單。 李先生，希望你在天之靈，保佑你朋友陳小姐，要身體健康，生活愉快～🙏🏻🙏🏻🙏🏻
Kommentare