Search
  • peacefulhomehk

2019年11月10日

昨日我地喺北區醫院完成左一個個案。坦白講,我地晴善舍在北區醫院既個案唔算多,上一次已經是在上年。不過,呢兩次到北區其實都係爲同一個家庭辦喪禮。小編記得第一次接到呢個家庭既電話係佢地既爸爸過身。跟住過左一個星期之後,佢地再打來,話大哥都過身了。所以上次我地到北區,係爸爸同大哥在醫院一齊進行喪禮。而在上個月中,這個家庭又打比小編,本來以為佢地係問有關之前抽政府灰位既事情,點知原來係佢地既媽媽過身了。

小編喺講座既時候都會做個案分享。成日都會講到,最怕既就係接到舊客人既電話,因為即係意味著佢地又有親人過身。

隨著小編在殯儀行業既時間越耐,接到舊客人既殯儀個案就越多。好多時候都係父母相繼過身。呢幾個月就有不少呢類個案。遇到呢類個案,感覺其實並唔好受。試過3個月前喺一個喪禮見過的,3個月後就接到電話話呢個親友已經過身。小編深深感受到其實人真係好化學。所以,係呢段日子,真係好希望大家可以珍惜眼前嘅人,因為明天會發生咩事,真係唔知道。





10 views0 comments

Recent Posts

See All